kyun KHafa humse ho KHata kya hai

kyuuñ ḳhafā ham se ho ḳhatā kyā hai

ye to farmā.iye huā kyā hai

husn kyā husn kī adā kyā hai

us ke jalvoñ kā dekhnā kyā hai

ek aalam hai sirf mai-noshī

nigah-e-mast mājrā kyā hai

nīchī nazroñ se kar diyā ghāyal

ab ye samjhe ki ye hayā kyā hai

jaan denā hai ain maqsad-e-ishq

un ko andāza-e-vafā kyā hai

ham se barham raqīb se shādāñ

kahiye kahiye ye mājrā kyā hai

jin kī hastī hai ik sharar kī misāl

aise tāroñ kā Dūbnā kyā hai

āriz-e-yār ke muqābil ho

mahr-e-tābāñ kā hauslā kyā hai

ḳhuun āshiq hai yā hinā kā rañg

mere qātil ye zer-e-pā kyā hai

ḳhud hī gum ho ke rah ga.e 'anvar'

hāsil-e-justujū huā kyā hai

kyun KHafa hum se ho KHata kya hai

ye to farmaiye hua kya hai

husn kya husn ki ada kya hai

us ke jalwon ka dekhna kya hai

ek aalam hai sirf mai-noshi

nigah-e-mast majra kya hai

nichi nazron se kar diya ghayal

ab ye samjhe ki ye haya kya hai

jaan dena hai ain maqsad-e-ishq

un ko andaza-e-wafa kya hai

hum se barham raqib se shadan

kahiye kahiye ye majra kya hai

jin ki hasti hai ek sharar ki misal

aise taron ka Dubna kya hai

aariz-e-yar ke muqabil ho

mahr-e-taban ka hausla kya hai

KHun aashiq hai ya hina ka rang

mere qatil ye zer-e-pa kya hai

KHud hi gum ho ke rah gae 'anwar'

hasil-e-justuju hua kya hai