kyun KHud-baKHud phiri nigah-e-yar kya sabab

kyuuñ ḳhud-baḳhud phirī nigah-e-yār kyā sabab

kyuuñ sar-nigūñ hai ābrū-e-ḳham-dār kyā sabab

qismat palaT ga.ī ki nasība ulaT gayā

kyuuñ ḳhud-baḳhud phirī nigah-e-yār kiyā sabab

kyā aa gayā qarīb zamāna visāl kā

kyuuñ be-qarār hai ye dil-e-zār kyā sabab

tāqat kahāñ se aa ga.ī is nā-tavāñ meñ aaj

dam toḌtā jo hai dil-e-bīmār kyā sabab

kis se laḌī nigāh ye kis par itaab hai

hote haiñ band rauzan-e-dīvār kyā sabab

furqat kī raat roz-e-qayāmat kahīñ na ho

hotī nahīñ jo sub.h-e-shab-e-tār kyā sabab

'anjum' ga.e the un ko sunāne ke vāste

phir hāl-e-dil kiyā jo na iz.hār kyā sabab

kyun KHud-baKHud phiri nigah-e-yar kya sabab

kyun sar-nigun hai aabru-e-KHam-dar kya sabab

qismat palaT gai ki nasiba ulaT gaya

kyun KHud-baKHud phiri nigah-e-yar kiya sabab

kya aa gaya qarib zamana visal ka

kyun be-qarar hai ye dil-e-zar kya sabab

taqat kahan se aa gai is na-tawan mein aaj

dam toDta jo hai dil-e-bimar kya sabab

kis se laDi nigah ye kis par itab hai

hote hain band rauzan-e-diwar kya sabab

furqat ki raat roz-e-qayamat kahin na ho

hoti nahin jo subh-e-shab-e-tar kya sabab

'anjum' gae the un ko sunane ke waste

phir haal-e-dil kiya jo na izhaar kya sabab