kyun ki kahiye ki ada-bandi hai
kyuuñ ki kahiye ki adā-bandī hai
shā.erī kyā hai havā-bandī hai
ḳham-e-gesū ko chhuā thā kis ke
shab se gulshan meñ sabā-bandī hai
kyūñki ham ḳhuun na ro.eñ shab-e-īd
yaar mashġhūl-e-hinā-bandī hai
dar pe baiThe haiñ tire be-zanjīr
ye ajab tarah kī pābandī hai
nahīñ paḌhtā mirā nusḳha attār
bas-ki masrūf-e-davā-bandī hai
shoḳh mazmūñ se hazar karte haiñ
sher meñ jin ke hayā-bandī hai
muzhda ai hasrat-e-nazzāra ki vaañ
gird chilman ke ridā-bandī hai
har nafas taaza ġhazal kahte haiñ
har nafas taaza navā-bandī hai
'mus.hafī' sher meñ to yaad hameñ
zor-sūrat kī adā-bandī hai
kyun ki kahiye ki ada-bandi hai
shaeri kya hai hawa-bandi hai
KHam-e-gesu ko chhua tha kis ke
shab se gulshan mein saba-bandi hai
kyunki hum KHun na roen shab-e-id
yar mashghul-e-hina-bandi hai
dar pe baiThe hain tere be-zanjir
ye ajab tarah ki pabandi hai
nahin paDhta mera nusKHa attar
bas-ki masruf-e-dawa-bandi hai
shoKH mazmun se hazar karte hain
sher mein jin ke haya-bandi hai
muzhda ai hasrat-e-nazzara ki wan
gird chilman ke rida-bandi hai
har nafas taza ghazal kahte hain
har nafas taza nawa-bandi hai
'mushafi' sher mein to yaad hamein
zor-surat ki ada-bandi hai
- Book : kulliyat-e-mas.hafii(shashum) (Pg. 284)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
