kyun malamat is qadar karte ho be-hasil hai ye

kyuuñ malāmat is qadar karte ho be-hāsil hai ye

lag chukā ab chhūTnā mushkil hai us kā dil hai ye

be-qarārī siiñ na kar zālim hamāre dil kuuñ man.a

kyuuñ na taḌpe ḳhaak o ḳhuuñ meñ is qadar bismil hai ye

ishq kuuñ majnūñ ke aflātūñ samajh saktā nahīñ

go ki samjhāve pe samjhegā nahīñ aaqil hai ye

kaun samjhāve mire dil kuuñ koī munsif nahīñ

ġhair-e-haq ko chāhtā hai kyuuñ itā bātil hai ye

kaun hai insāñ kā koī dost aisā jo kahe

maut us kī fikr meñ laagī hai aur ġhāfil hai ye

āshiqī ke fan meñ hai dil siiñ jhagaḌnā be-hisāb

kuchh nahīñ baaqī rakhā is ilm meñ fāzil hai ye

ham to kahte the ki phir paane ke nahiñ jaane na do

ab ga.e par 'ābrū' phir pā.iye mushkil hai ye

kyun malamat is qadar karte ho be-hasil hai ye

lag chuka ab chhuTna mushkil hai us ka dil hai ye

be-qarari sin na kar zalim hamare dil kun mana

kyun na taDpe KHak o KHun mein is qadar bismil hai ye

ishq kun majnun ke aflatun samajh sakta nahin

go ki samjhawe pe samjhega nahin aaqil hai ye

kaun samjhawe mere dil kun koi munsif nahin

ghair-e-haq ko chahta hai kyun ita baatil hai ye

kaun hai insan ka koi dost aisa jo kahe

maut us ki fikr mein lagi hai aur ghafil hai ye

aashiqi ke fan mein hai dil sin jhagaDna be-hisab

kuchh nahin baqi rakha is ilm mein fazil hai ye

hum to kahte the ki phir pane ke nahin jaane na do

ab gae par 'abru' phir paiye mushkil hai ye