کیوں میرے دکھ چنتے ہو
کیوں میرے دکھ چنتے ہو
تم میرے کیا لگتے ہو
مجھ کو جوڑنے بیٹھے ہو
اندر سے خود ٹوٹے ہو
میرے دکھ کی تہیں ہزار
کیوں خود کو الجھاتے ہو
مجھ کو سب کچھ مان لیا
تم بھی کتنے بھولے ہو
پیار محبت عشق وفا
کیسی باتیں کرتے ہو
دھیان کے کورے کاغذ پر
کیا کیا لکھتے رہتے ہو
دنیا سب کچھ پڑھتی ہے
دنیا کو کیا سمجھے ہو
میں اک آوارہ جھونکا
گھر میں کب تک رکھتے ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
