kyun mil rahi hai un ko saza chiKHti rahi
Interesting Fact
the first three couplets point to the massive earthquake that devastated Kashmir
kyuuñ mil rahī hai un ko sazā chīḳhtī rahī
sunsān vādiyoñ meñ havā chīḳhtī rahī
hoñToñ kī larzishoñ meñ rahe harf munjamid
siine meñ dafn ho ke duā chīḳhtī rahī
sadme kī shiddatoñ se har ik aañkh ḳhushk thī
ye dekh kar falak pe ghaTā chīḳhtī rahī
ik maslahat ke sāmne majbūr to hue
lekin qadam qadam pe anā chīḳhtī rahī
ruḳhsat hue to rail kī siiTī meñ der tak
aisā lagā ki jaise vafā chīḳhtī rahī
kyun mil rahi hai un ko saza chiKHti rahi
sunsan wadiyon mein hawa chiKHti rahi
honTon ki larzishon mein rahe harf munjamid
sine mein dafn ho ke dua chiKHti rahi
sadme ki shiddaton se har ek aankh KHushk thi
ye dekh kar falak pe ghaTa chiKHti rahi
ek maslahat ke samne majbur to hue
lekin qadam qadam pe ana chiKHti rahi
ruKHsat hue to rail ki siTi mein der tak
aisa laga ki jaise wafa chiKHti rahi
- Book : Gulab Khilty Hain (Pg. 121)
- Author : Dr. Syed Anwar Ahmad
- Publication : Jahangir Books (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
