kyun na hon shad ki hum rahguzar mein hain abhi

kyuuñ na hoñ shaad ki ham rāhguzar meñ haiñ abhī

dasht-e-be-sabz meñ aur dhuup nagar meñ haiñ abhī

surḳh aazar hī mire zaḳhmoñ pe na ho yuuñ masrūr

ka.ī shahpar mire TuuTe hue par meñ haiñ abhī

in dhundalkoñ kī har ik chaal to shātir hai magar

nuqra.ī naqsh mire dast-e-hunar meñ haiñ abhī

umr bhar maiñ to rahā ḳhāna-badoshī meñ idhar

kuchh kabūtar mire aslāf ke ghar meñ haiñ abhī

ek muddat se koī sabz na ubhrā is meñ

ghoñsle chiil ke be-barg shajar meñ haiñ abhī

shahr kī dhuul fazā.eñ hī muqaddar meñ rahīñ

aam ke bor magar merī nazar meñ haiñ abhī

raakh ke Dher pe mātam na karo dekho bhī

ka.ī shole kisī be-jān sharar meñ haiñ abhī

ek sāhir kabhī guzrā thā idhar se 'amabar'

jā-e-hairat ki sabhī us ke asar meñ haiñ abhī

kyun na hon shad ki hum rahguzar mein hain abhi

dasht-e-be-sabz mein aur dhup nagar mein hain abhi

surKH aazar hi mere zaKHmon pe na ho yun masrur

kai shahpar mere TuTe hue par mein hain abhi

in dhundalkon ki har ek chaal to shatir hai magar

nuqrai naqsh mere dast-e-hunar mein hain abhi

umr bhar main to raha KHana-badoshi mein idhar

kuchh kabutar mere aslaf ke ghar mein hain abhi

ek muddat se koi sabz na ubhra is mein

ghonsle chil ke be-barg shajar mein hain abhi

shahr ki dhul fazaen hi muqaddar mein rahin

aam ke bor magar meri nazar mein hain abhi

rakh ke Dher pe matam na karo dekho bhi

kai shole kisi be-jaan sharar mein hain abhi

ek sahir kabhi guzra tha idhar se 'amabar'

ja-e-hairat ki sabhi us ke asar mein hain abhi