kyun na kahen bashar ko hum aatish-o-ab o KHak-o-baad

kyuuñ na kaheñ bashar ko ham ātish-o-āb o ḳhāk-o-bād

qudrat-e-haq se haiñ baham ātish-o-āb o ḳhāk-o-bād

aḳhgar-e-ġhuncha āb-jū gard-e-chaman nasīm-e-sub.h

haiñ ye girah-kushā-e-ġham ātish-o-āb o ḳhāk-o-bād

huqqe ko ahl-e-ma.arifat kyūñ-ki na samjheñ hamdam ab

ye bhī rakhe hai besh-o-kam ātish-o-āb o ḳhāk-o-bād

sozish-e-dāġh-o-ābla gard-e-alam shumār-e-dam

hijr meñ chāroñ haiñ baham ātish-o-āb o ḳhāk-o-bād

barq-o-sahāb o gard-bād dasht-e-junūñ meñ saath haiñ

haiñ ye mire rafīq-e-dam ātish-o-āb o ḳhāk-o-bād

rū o araq ġhubār-e-ḳhat jumbish-e-zulf kī havā

chāroñ haiñ dil ke haq meñ sam ātish-o-āb o ḳhāk-o-bād

chashm meñ ātishīñ haiñ ashk dil meñ ġhubār-e-āh-e-sard

donoñ se lete haiñ janam ātish-o-āb o ḳhāk-o-bād

mujh ko ḳhudā.ī kī qasam rakhte haiñ ghere dam-ba-dam

tere ye ishq meñ sanam ātish-o-āb o ḳhāk-o-bād

kyuuñ na havās-e-ḳhamsa gum ahl-e-suḳhan ke hoñ 'nasīr'

tujh hī se bas hue raqam ātish-o-āb o ḳhāk-o-bād

kyun na kahen bashar ko hum aatish-o-ab o KHak-o-baad

qudrat-e-haq se hain baham aatish-o-ab o KHak-o-baad

aKHgar-e-ghuncha aab-ju gard-e-chaman nasim-e-subh

hain ye girah-kusha-e-gham aatish-o-ab o KHak-o-baad

huqqe ko ahl-e-marifat kyun-ki na samjhen hamdam ab

ye bhi rakhe hai besh-o-kam aatish-o-ab o KHak-o-baad

sozish-e-dagh-o-abla gard-e-alam shumar-e-dam

hijr mein chaaron hain baham aatish-o-ab o KHak-o-baad

barq-o-sahab o gard-baad dasht-e-junun mein sath hain

hain ye mere rafiq-e-dam aatish-o-ab o KHak-o-baad

ru o araq ghubar-e-KHat jumbish-e-zulf ki hawa

chaaron hain dil ke haq mein sam aatish-o-ab o KHak-o-baad

chashm mein aatishin hain ashk dil mein ghubar-e-ah-e-sard

donon se lete hain janam aatish-o-ab o KHak-o-baad

mujh ko KHudai ki qasam rakhte hain ghere dam-ba-dam

tere ye ishq mein sanam aatish-o-ab o KHak-o-baad

kyun na hawas-e-KHamsa gum ahl-e-suKHan ke hon 'nasir'

tujh hi se bas hue raqam aatish-o-ab o KHak-o-baad