kyun tirgi si chhai charaghon ke darmiyan

kyuuñ tīrgī sī chhā.ī charāġhoñ ke darmiyāñ

kyā husn chhup gayā hai naqāboñ ke darmiyāñ

nāsūr ban gayā ka.ī sāloñ ke darmiyāñ

ik zaḳhm jaane kaisā hai chhāloñ ke darmiyāñ

vo niiñd meñ bhī aañkh se ojhal na ho janāb

us ko basā liyā hai nigāhoñ ke darmiyāñ

shiddat hai pyaas meñ to sarovar ke jā qarīb

kab tishnagī miTī hai sarāboñ ke darmiyāñ

aulād pe agar jo musībat na hotī aaj

kyuuñ maañ kā haath ruktā nivāloñ ke darmiyāñ

yuuñ hī janāb ham ko ye ohda nahīñ nasīb

sāloñ hai sar khapāyā kitāboñ ke darmiyāñ

jo ġhaur se paḌhoge savāloñ ko baar baar

mil jā.egā javāb savāloñ ke darmiyāñ

sāhil ko toḌne kī himāqat kiye baġhair

lahreñ uchhal rahī haiñ kināroñ ke darmiyāñ

miltā nahīñ hai kuchh bhī taraddud kiye baġhair

kāñTe bhare paḌe haiñ gulāboñ ke darmiyāñ

shāyad mire sanam ne kiyā yaad mujh ko aaj

hichkī tabhī hai aa.ī nivāloñ ke darmiyāñ

kyun tirgi si chhai charaghon ke darmiyan

kya husn chhup gaya hai naqabon ke darmiyan

nasur ban gaya kai salon ke darmiyan

ek zaKHm jaane kaisa hai chhaalon ke darmiyan

wo nind mein bhi aankh se ojhal na ho janab

us ko basa liya hai nigahon ke darmiyan

shiddat hai pyas mein to sarowar ke ja qarib

kab tishnagi miTi hai sarabon ke darmiyan

aulad pe agar jo musibat na hoti aaj

kyun man ka hath rukta niwalon ke darmiyan

yun hi janab hum ko ye ohda nahin nasib

salon hai sar khapaya kitabon ke darmiyan

jo ghaur se paDhoge sawalon ko bar bar

mil jaega jawab sawalon ke darmiyan

sahil ko toDne ki himaqat kiye baghair

lahren uchhal rahi hain kinaron ke darmiyan

milta nahin hai kuchh bhi taraddud kiye baghair

kanTe bhare paDe hain gulabon ke darmiyan

shayad mere sanam ne kiya yaad mujh ko aaj

hichki tabhi hai aai niwalon ke darmiyan