kyunkar aaun miyan palaT kar main

kyūñkar aa.uuñ miyāñ palaT kar maiñ

ḳhush bahut huuñ use lipaT kar maiñ

dosto huuñ baḌā baḌe ghar kā

is liye rah gayā huuñ baT kar maiñ

mujh ko milnā thā har kisī se aur

jaane kyoñ rah gayā huuñ kaT kar maiñ

merā uslūb merā apnā hai

sochtā huuñ sabhī se haT kar maiñ

mere andar hai ishq kā bārūd

so dikhā.ūñgā tujh ko phaT kar maiñ

niiñd se hāthā-pā.ī karnī thī

gir paḌā ḳhvāb par jhapaT kar maiñ

ishq thā dard kā sabaq 'mannān'

aur use aa gayā huuñ raT kar maiñ

kyunkar aaun miyan palaT kar main

KHush bahut hun use lipaT kar main

dosto hun baDa baDe ghar ka

is liye rah gaya hun baT kar main

mujh ko milna tha har kisi se aur

jaane kyon rah gaya hun kaT kar main

mera uslub mera apna hai

sochta hun sabhi se haT kar main

mere andar hai ishq ka barud

so dikhaunga tujh ko phaT kar main

nind se hatha-pai karni thi

gir paDa KHwab par jhapaT kar main

ishq tha dard ka sabaq 'mannan'

aur use aa gaya hun raT kar main