la ai saqi teri jai ho

lā ai saaqī terī jai ho

koī bhī piine kī shai ho

gulshan meñ sayyād ke hāthoñ

jo anjām bhī hotā hai ho

ham āḳhir kyoñ himmat hāreñ

ho nākāmī pai-dar-pai ho

lākhoñ haiñ ham sab bechāre

ai shahzādo tum sab kai ho

maiñ duniyā par tanz karūñgā

duniyā kyoñ mere darpai ho

ham us ke pāband nahīñ haiñ

saaqī ho miinā ho mai ho

'shād' mujhe ye dhun rahtī hai

apnā naġhma apnī lai ho

la ai saqi teri jai ho

koi bhi pine ki shai ho

gulshan mein sayyaad ke hathon

jo anjam bhi hota hai ho

hum aaKHir kyon himmat haaren

ho nakaami pai-dar-pai ho

lakhon hain hum sab bechaare

ai shahzado tum sab kai ho

main duniya par tanz karunga

duniya kyon mere darpai ho

hum us ke paband nahin hain

saqi ho mina ho mai ho

'shad' mujhe ye dhun rahti hai

apna naghma apni lai ho