laeq wafa ke KHalq o saza-e-jafa hun main

laa.eq vafā ke ḳhalq o sazā-e-jafā huuñ maiñ

jitne haiñ yaañ so nek haiñ jo kuchh burā huuñ maiñ

jā hai ki hoñ ye log tire paas us jagah

kab qābil-e-ināyat-o-mehr-o-vafā huuñ maiñ

mujh ko butāñ kī diid se mat man.a kar ki shaiḳh

kyā jaane is libās meñ kyā dekhtā huuñ maiñ

aage mire na ġhair se go tum ne baat kī

sarkār kī nazar ko to pahchāntā huuñ maiñ

begāna jin se mil ke tū pyāre huā hai yaañ

un sab meñ ik baḌā to tirā āshnā huuñ maiñ

pūchho ho mujh se tum ki piyegā bhī tū sharāb

aisā kahāñ kā shaiḳh huuñ yā pārsā huuñ maiñ

jaur-e-sipahr o dūrī-e-yārāñ o rū-e-ġhair

jo kuchh na dekhnā thā so ab dekhtā huuñ maiñ

ā.īna o ġhubār meñ juuñ yak-digar hai rabt

jo pur-kadar haiñ un se ziyāda safā huuñ maiñ

'qā.em' hayāt-o-marg-e-buz-o-gāv meñ haiñ naf.a

is mardumī ke shor pe kis kaam kā huuñ maiñ

laeq wafa ke KHalq o saza-e-jafa hun main

jitne hain yan so nek hain jo kuchh bura hun main

ja hai ki hon ye log tere pas us jagah

kab qabil-e-inayat-o-mehr-o-wafa hun main

mujh ko butan ki did se mat mana kar ki shaiKH

kya jaane is libas mein kya dekhta hun main

aage mere na ghair se go tum ne baat ki

sarkar ki nazar ko to pahchanta hun main

begana jin se mil ke tu pyare hua hai yan

un sab mein ek baDa to tera aashna hun main

puchho ho mujh se tum ki piyega bhi tu sharab

aisa kahan ka shaiKH hun ya parsa hun main

jaur-e-sipahr o duri-e-yaran o ru-e-ghair

jo kuchh na dekhna tha so ab dekhta hun main

aaina o ghubar mein jun yak-digar hai rabt

jo pur-kadar hain un se ziyaada safa hun main

'qaem' hayat-o-marg-e-buz-o-gaw mein hain nafa

is mardumi ke shor pe kis kaam ka hun main