lai thi KHalwat se dil ki na-shakebai mujhe

laa.ī thī ḳhalvat se dil kī nā-shakebā.ī mujhe

bazm meñ bhī hai vahī ehsās-e-tanhā.ī mujhe

lazzat-e-zaḳhm-e-tamanna se huuñ sargarm-e-safar

varna kab manzūr thī ye jāda-paimā.ī mujhe

manzar-e-barbādī-e-dil par to nam-dīda thā maiñ

log dikhlāte rahe chehroñ kī zebā.ī mujhe

sun rahā huuñ der se apnī sadā-e-bāzgasht

aarzū kā shahr hai sahrā-e-tanhā.ī mujhe

zindagī ke dasht-o-dar meñ aarzū kī raah se

le ga.ī dār-o-rasan tak ābla-pā.ī mujhe

lai thi KHalwat se dil ki na-shakebai mujhe

bazm mein bhi hai wahi ehsas-e-tanhai mujhe

lazzat-e-zaKHm-e-tamanna se hun sargarm-e-safar

warna kab manzur thi ye jada-paimai mujhe

manzar-e-barbaadi-e-dil par to nam-dida tha main

log dikhlate rahe chehron ki zebai mujhe

sun raha hun der se apni sada-e-bazgasht

aarzu ka shahr hai sahra-e-tanhai mujhe

zindagi ke dasht-o-dar mein aarzu ki rah se

le gai dar-o-rasan tak aabla-pai mujhe