lakh aashiq hua kare koi

laakh āshiq huā kare koī

ishq kā haq adā kare koī

ishq kī intihā kare koī

jaan un par fidā kare koī

jin ke dil meñ basā ho tū hī tū

tujh se phir kyā duā kare koī

karne vaalī to zaat usī kī hai

kyā kisī kā bhalā kare koī

be-ruḳhī se mile to milnā kyā

umr bhar tak milā kare koī

ishq se dil to us kā ḳhālī hai

laakh zikr-e-ḳhudā kare koī

jo bashar dushman-e-mohabbat ho

muñh na us se lagā kare koī

bevafā vo haiñ yā ki maiñ 'āsī'

aaj ye faisla kare koī

lakh aashiq hua kare koi

ishq ka haq ada kare koi

ishq ki intiha kare koi

jaan un par fida kare koi

jin ke dil mein basa ho tu hi tu

tujh se phir kya dua kare koi

karne wali to zat usi ki hai

kya kisi ka bhala kare koi

be-ruKHi se mile to milna kya

umr bhar tak mila kare koi

ishq se dil to us ka KHali hai

lakh zikr-e-KHuda kare koi

jo bashar dushman-e-mohabbat ho

munh na us se laga kare koi

bewafa wo hain ya ki main 'asi'

aaj ye faisla kare koi