لاکھ دل پریشاں ہو خواہشیں تو ہوتی ہیں

لاکھ دل پریشاں ہو خواہشیں تو ہوتی ہیں

شہر بے اماں میں بھی بارشیں تو ہوتی ہیں

بھول کر گلے شکوے آ مرے گلے لگ جا

پیار کرنے والوں میں رنجشیں تو ہوتی ہیں

مجھ کو روک لیتی ہیں چاہتیں زمینوں کی

آسماں کو پانے کی خواہشیں تو ہوتی ہیں

عشق کرنے والوں پر کس کا زور چلتا ہے

درمیاں زمانے کی بندشیں تو ہوتی ہیں

کیوں مری خطاؤں پر تبصرے ہیں ہر جانب

زندگی میں انساں سے لغزشیں تو ہوتی ہیں

منزلوں کی چاہت میں جب نکل پڑے تو پھر

سازشوں سے ڈرنا کیا سازشیں تو ہوتی ہیں