lakh dil pareshan ho KHwahishen to hoti hain

laakh dil pareshāñ ho ḳhvāhisheñ to hotī haiñ

shahr-e-be-amāñ meñ bhī bārisheñ to hotī haiñ

bhuul kar gile shikve aa mire gale lag jā

pyaar karne vāloñ meñ ranjisheñ to hotī haiñ

mujh ko rok letī haiñ chāhateñ zamīnoñ kī

āsmāñ ko paane kī ḳhvāhisheñ to hotī haiñ

'ishq karne vāloñ par kis kā zor chaltā hai

darmiyāñ zamāne kī bandisheñ to hotī haiñ

kyoñ mirī ḳhatāoñ par tabsire haiñ har jānib

zindagī meñ insāñ se laġhzisheñ to hotī haiñ

manziloñ kī chāhat meñ jab nikal paḌe to phir

sāzishoñ se Darnā kyā sāzisheñ to hotī haiñ

lakh dil pareshan ho KHwahishen to hoti hain

shahr-e-be-aman mein bhi barishen to hoti hain

bhul kar gile shikwe aa mere gale lag ja

pyar karne walon mein ranjishen to hoti hain

mujh ko rok leti hain chahaten zaminon ki

aasman ko pane ki KHwahishen to hoti hain

'ishq karne walon par kis ka zor chalta hai

darmiyan zamane ki bandishen to hoti hain

kyon meri KHataon par tabsire hain har jaanib

zindagi mein insan se laghzishen to hoti hain

manzilon ki chahat mein jab nikal paDe to phir

sazishon se Darna kya sazishen to hoti hain