lakh lakh ehsan jis ne dard paida kar diya

laakh laakh ehsān jis ne dard paidā kar diyā

jis ne is dil ko hathelī kā phaphūlā kar diyā

dekhnā maġhrib kī jānib ye shafaq kā phūlnā

Dūbte sūraj ne sone meñ suhāgā kar diyā

zindagī aur maut meñ ik umr se thī kashmakash

vaqt par do hichkiyoñ ne paak jhagḌā kar diyā

ik sharāra sā qarīb-e-sham.a jā kar mil gayā

ātish-e-parvāna ne shole ko duunā kar diyā

bulbul-e-tasvīr huuñ ab bolnā hai nāgavār

terī is hañgāma ārā.ī ne chupkā kar diyā

is ko kahte haiñ lagī parvāne jal bujh Duub mar

rote rote sham.a ne āḳhir saverā kar diyā

de diyā āñkheñ laḌā kar is parī-paikar ne jaam

maiñ nashe meñ chuur thā hī aur andhā kar diyā

kyā girāmī hastiyāñ haiñ hazrat-e-'usmān'-o-'shād'

'shā.ir' in donoñ ne duniyā meñ ujālā kar diyā

lakh lakh ehsan jis ne dard paida kar diya

jis ne is dil ko hatheli ka phaphula kar diya

dekhna maghrib ki jaanib ye shafaq ka phulna

Dubte suraj ne sone mein suhaga kar diya

zindagi aur maut mein ek umr se thi kashmakash

waqt par do hichkiyon ne pak jhagDa kar diya

ek sharara sa qarib-e-shama ja kar mil gaya

aatish-e-parwana ne shole ko duna kar diya

bulbul-e-taswir hun ab bolna hai nagawar

teri is hangama aarai ne chupka kar diya

is ko kahte hain lagi parwane jal bujh Dub mar

rote rote shama ne aaKHir sawera kar diya

de diya aankhen laDa kar is pari-paikar ne jam

main nashe mein chur tha hi aur andha kar diya

kya girami hastiyan hain hazrat-e-'usman'-o-'shad'

'shair' in donon ne duniya mein ujala kar diya