lakh maujud hon sabhi jaanan

laakh maujūd hoñ sabhī jānāñ

hai tumhārī magar kamī jānāñ

ham tumhāre binā jiyeñ kaise

maut hai aisī zindagī jānāñ

be-qarārī udāsiyāñ vahshat

merī qismat hai kyā yahī jānāñ

hijr kā pūchhte ho kyā 'ālam

ek lamha hai ik sadī jānāñ

tum hī alfāz ho tumhīñ ehsās

tum hī ho rūh-e-shā’erī jānāñ

sirf tum hī to ‘ishq-e-avval ho

aur ho tum hī āḳhirī jānāñ

gar haqīqat meñ mil nahīñ sakte

aao ḳhvāboñ meñ to kabhī jānāñ

rū-barū tum nahīñ rahe lekin

sirf tasvīr rah ga.ī jānāñ

tum ko paa.eñ to zindagī 'mohkam'

varna kar leñge ḳhud-kushī jānāñ

lakh maujud hon sabhi jaanan

hai tumhaari magar kami jaanan

hum tumhaare bina jiyen kaise

maut hai aisi zindagi jaanan

be-qarari udasiyan wahshat

meri qismat hai kya yahi jaanan

hijr ka puchhte ho kya 'alam

ek lamha hai ek sadi jaanan

tum hi alfaz ho tumhin ehsas

tum hi ho ruh-e-sha’eri jaanan

sirf tum hi to ‘ishq-e-awwal ho

aur ho tum hi aaKHiri jaanan

gar haqiqat mein mil nahin sakte

aao KHwabon mein to kabhi jaanan

ru-baru tum nahin rahe lekin

sirf taswir rah gai jaanan

tum ko paen to zindagi 'mohkam'

warna kar lenge KHud-kushi jaanan