lakh parde se ruKH-e-anwar ayan ho jaega

laakh parde se ruḳh-e-anvar ayaañ ho jā.egā

parda khul jā.egā har parda katāñ ho jā.egā

jauhar-e-teġh-e-isālat sab ayaañ ho jā.egā

imtihāñ ke vaqt apnā imtihāñ ho jā.egā

tū agar ai maah aa niklā kisī din bād-e-marg

parda-e-ḳhāk-e-mazār apnā katāñ ho jā.egā

pech zulfoñ ke jo khul jā.eñge rū-e-yār par

sumbul-e-tar ātish-e-gul kā dhuāñ ho jā.egā

tū vo gul-rū hai ki tujh ko dekh kar niklegī jaan

bulbul-e-rūh o ravāñ be-āshiyāñ ho jā.egā

rū-e-rañgīñ kī hikāyat nazm agar karne lageñ

'barq' sab dīvāñ hamārā bostāñ ho jā.egā

lakh parde se ruKH-e-anwar ayan ho jaega

parda khul jaega har parda katan ho jaega

jauhar-e-tegh-e-isalat sab ayan ho jaega

imtihan ke waqt apna imtihan ho jaega

tu agar ai mah aa nikla kisi din baad-e-marg

parda-e-KHak-e-mazar apna katan ho jaega

pech zulfon ke jo khul jaenge ru-e-yar par

sumbul-e-tar aatish-e-gul ka dhuan ho jaega

tu wo gul-ru hai ki tujh ko dekh kar niklegi jaan

bulbul-e-ruh o rawan be-ashiyan ho jaega

ru-e-rangin ki hikayat nazm agar karne lagen

'barq' sab diwan hamara bostan ho jaega