lakh samjhaya magar zid pe aDi hai ab bhi
laakh samjhāyā magar zid pe aḌī hai ab bhī
koī ummīd mere pīchhe paḌī hai ab bhī
shahr-e-tanhā.ī meñ mausam nahīñ badlā karte
din bahut chhoTā yahāñ raat baḌī hai ab bhī
maan luuñ kaise yahāñ dariyā nahīñ thā logo
dekh lo ret pe ik kashtī paḌī hai ab bhī
chhat meñ kuchh chhed haiñ ye raaz batāne ke liye
dhuup ḳhāmoshī se kamre meñ khaḌī hai ab bhī
vaqt ne nām-o-nasab chhīn liyā hai lekin
ġhaur se dekh mirī naak baḌī hai ab bhī
āsmāñ tū ne chhupā rakkhā hai sūraj ko kahāñ
kyuuñ kalā.ī meñ tirī band ghaḌī hai ab bhī
manzileñ detī haiñ āvāz ki jaldī aao
peḌ kahte haiñ ruko dhuup kaḌī hai ab bhī
lakh samjhaya magar zid pe aDi hai ab bhi
koi ummid mere pichhe paDi hai ab bhi
shahr-e-tanhai mein mausam nahin badla karte
din bahut chhoTa yahan raat baDi hai ab bhi
man lun kaise yahan dariya nahin tha logo
dekh lo ret pe ek kashti paDi hai ab bhi
chhat mein kuchh chhed hain ye raaz batane ke liye
dhup KHamoshi se kamre mein khaDi hai ab bhi
waqt ne nam-o-nasab chhin liya hai lekin
ghaur se dekh meri nak baDi hai ab bhi
aasman tu ne chhupa rakkha hai suraj ko kahan
kyun kalai mein teri band ghaDi hai ab bhi
manzilen deti hain aawaz ki jaldi aao
peD kahte hain ruko dhup kaDi hai ab bhi
- Book : Muhaz Par mein (Poetry) (Pg. 31)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
