lakhon ki bhiD mein bhi koi ham-nafas na ho

lākhoñ kī bhiiḌ meñ bhī koī ham-nafas na ho

allāh terī ḳhalq kā matlab qafas na ho

rañg-e-jamāl-e-ishq se kūñachī bharī ho par

tasvīr khīñchne ke liye canvas na ho

kahiye ki kaise dil lage aisī jagah jahāñ

bāteñ to be-hisāb hoñ bātoñ meñ ras na ho

maiñ ishq kar rahā huuñ magar sochtā bhī huuñ

pichhle baras jo ho chukā ab ke baras na ho

hairat hai ek umr kī bārish ke bāvajūd

āñkhoñ meñ koī shakl hai jo Tas se mas na ho

'mishrā' jī aise shaḳhs se rahte haiñ dūr-dūr

jis meñ ki rañg-e-ishq ho rañg-e-havas na ho

lakhon ki bhiD mein bhi koi ham-nafas na ho

allah teri KHalq ka matlab qafas na ho

rang-e-jamal-e-ishq se kunachi bhari ho par

taswir khinchne ke liye canwas na ho

kahiye ki kaise dil lage aisi jagah jahan

baaten to be-hisab hon baaton mein ras na ho

main ishq kar raha hun magar sochta bhi hun

pichhle baras jo ho chuka ab ke baras na ho

hairat hai ek umr ki barish ke bawajud

aankhon mein koi shakl hai jo Tas se mas na ho

'mishra' ji aise shaKHs se rahte hain dur-dur

jis mein ki rang-e-ishq ho rang-e-hawas na ho