law-lashkar jah-o-hashmat hai yahan

lāv-lashkar jāh-o-hashmat hai yahāñ

shaah koī kab salāmat hai yahāñ

bārgāh-e-dirham-o-dīnār hai

har koī miskīn sūrat hai yahāñ

be-zabānī par mirī bolā ḳhudā

lab-kushā.ī kī ijāzat hai yahāñ

ai fasīl-e-shahr tū rahiyo gavāh

sāhib-e-ālam kī hurmat hai yahāñ

shahr kyā hai ek dasht-e-be-hisī

gaañv to phir bhī ġhanīmat hai yahāñ

ham kareñge jo hamāre bas meñ hai

baaqī apnī apnī qismat hai yahāñ

rū-ba-rū hotā hai apnā zikr-e-ḳhair

pīTh-pīchhe saarī ġhībat hai yahāñ

dar nahīñ darbān ko sajda karo

kāmyābī kī zamānat hai yahāñ

tum hamāre ho kuchh is meñ shak nahīñ

bas zarā har shai kī qīmat hai yahāñ

saare apne hī haiñ terī bazm meñ

ġhair to bas dil kī hālat hai yahāñ

ishq to ruḳhsat huā majnūñ ke saath

kis liye lailā kī shohrat hai yahāñ

kis qadar ghis-piT gayā ye qāfiya

jis taraf dekho mohabbat hai yahāñ

ishq hai bāzī-gar-e-mulk-e-adam

husn bhī kufrān-e-ne.amat hai yahāñ

law-lashkar jah-o-hashmat hai yahan

shah koi kab salamat hai yahan

bargah-e-dirham-o-dinar hai

har koi miskin surat hai yahan

be-zabani par meri bola KHuda

lab-kushai ki ijazat hai yahan

ai fasil-e-shahr tu rahiyo gawah

sahib-e-alam ki hurmat hai yahan

shahr kya hai ek dasht-e-be-hisi

ganw to phir bhi ghanimat hai yahan

hum karenge jo hamare bas mein hai

baqi apni apni qismat hai yahan

ru-ba-ru hota hai apna zikr-e-KHair

piTh-pichhe sari ghibat hai yahan

dar nahin darban ko sajda karo

kaamyabi ki zamanat hai yahan

tum hamare ho kuchh is mein shak nahin

bas zara har shai ki qimat hai yahan

sare apne hi hain teri bazm mein

ghair to bas dil ki haalat hai yahan

ishq to ruKHsat hua majnun ke sath

kis liye laila ki shohrat hai yahan

kis qadar ghis-piT gaya ye qafiya

jis taraf dekho mohabbat hai yahan

ishq hai bazi-gar-e-mulk-e-adam

husn bhi kufran-e-neamat hai yahan