lazim hai buland aah ki rayat na kare tu

lāzim hai buland aah kī rāyat na kare tū

tasḳhīr agar dil kī vilāyat na kare to

āñkhoñ kā bahe jaanā sahā girye par afsos

ab bhī agar us dil meñ sarāyat na kare tū

maiñ moḌūñ na muñh us kī jafā se pa karūñ kyā

is vaqt vafā phir jo kifāyat na kare tū

jam.iyyat-e-aġhyār se Darte nahīñ āshiq

par ḳhauf ye hai un kī himāyat na kare tū

ai qāsid agar naama mirā chaak kare yaar

behtar hai ki mujh se bhī rivāyat na kare tū

phir kah tū chimaT kar na leñ ham bosa so kyūñkar

jab aap se gaalī bhī ināyat na kare tū

ai mīr-'razā' tujh ko abhī us se milā deñ

gar rashk kī phir ham se shikāyat na kare tū

lazim hai buland aah ki rayat na kare tu

tasKHir agar dil ki wilayat na kare to

aankhon ka bahe jaana saha girye par afsos

ab bhi agar us dil mein sarayat na kare tu

main moDun na munh us ki jafa se pa karun kya

is waqt wafa phir jo kifayat na kare tu

jamiyyat-e-aghyar se Darte nahin aashiq

par KHauf ye hai un ki himayat na kare tu

ai qasid agar nama mera chaak kare yar

behtar hai ki mujh se bhi riwayat na kare tu

phir kah tu chimaT kar na len hum bosa so kyunkar

jab aap se gali bhi inayat na kare tu

ai mir-'raza' tujh ko abhi us se mila den

gar rashk ki phir hum se shikayat na kare tu