lazim-o-malzum hain donon qaza aur zindagi

lāzim-o-malzūm haiñ donoñ qazā aur zindagī

ek hī ruḳh ke haiñ do pahlū ḳhudā aur zindagī

farq donoñ meñ koī mujh ko nazar aayā nahīñ

haiñ mere dekhe hue husn-o-adā aur zindagī

in badalte mausamoñ ke muḳhtalif rañgoñ kā raqs

mere apne dil kī hai āb-o-havā aur zindagī

vaqt kī bāteñ haiñ ye ab dekh kar hairāñ na ho

ro rahe haiñ aaj donoñ dil mirā aur zindagī

kis tarah biitā safar pūchhā to sab ne ye kahā

dhuup aur chhāñv kā rasta qāfila aur zindagī

zindagī se to ḳhafā huuñ par qazā se ḳhauf hai

aur donoñ hī bulāte haiñ qazā aur zindagī

maiñ ne jo pūchhā ki rāhat DhūñDne jā.ūñ kahāñ

Chup rahe donoñ hī merā ham-navā aur zindagī

lazim-o-malzum hain donon qaza aur zindagi

ek hi ruKH ke hain do pahlu KHuda aur zindagi

farq donon mein koi mujh ko nazar aaya nahin

hain mere dekhe hue husn-o-ada aur zindagi

in badalte mausamon ke muKHtalif rangon ka raqs

mere apne dil ki hai aab-o-hawa aur zindagi

waqt ki baaten hain ye ab dekh kar hairan na ho

ro rahe hain aaj donon dil mera aur zindagi

kis tarah bita safar puchha to sab ne ye kaha

dhup aur chhanw ka rasta qafila aur zindagi

zindagi se to KHafa hun par qaza se KHauf hai

aur donon hi bulate hain qaza aur zindagi

main ne jo puchha ki rahat DhunDne jaun kahan

Chup rahe donon hi mera ham-nawa aur zindagi