lab-basta KHasta-haal pareshan hain bahut

lab-basta ḳhasta-hāl pareshān haiñ bahut

aise bhī tere shahr meñ insān haiñ bahut

har samt tere aane se gulzār the khile

tum jā chuke to rāste sunsān haiñ bahut

andhe safar pe chal paḌe manzil kahāñ mile

ham zindagī kī raah se anjān haiñ bahut

āñkheñ ba-vaqt-e-marg haiñ us shaḳhs kī khulī

shāyad ki dil meñ aaj bhī armān haiñ bahut

ham ne tumhārī zulf kī ḳhushbū hī kī talab

ye jaan kar ki zulf meñ pechān haiñ bahut

lab-basta KHasta-haal pareshan hain bahut

aise bhi tere shahr mein insan hain bahut

har samt tere aane se gulzar the khile

tum ja chuke to raste sunsan hain bahut

andhe safar pe chal paDe manzil kahan mile

hum zindagi ki rah se anjaan hain bahut

aankhen ba-waqt-e-marg hain us shaKHs ki khuli

shayad ki dil mein aaj bhi arman hain bahut

hum ne tumhaari zulf ki KHushbu hi ki talab

ye jaan kar ki zulf mein pechan hain bahut