lab-e-sahil samundar ki farawani se mar jaun

lab-e-sāhil samundar kī farāvānī se mar jā.ūñ

mujhe vo pyaas hai shāyad ki maiñ paanī se mar jā.ūñ

tum us ko dekh kar chhū kar bhī zinda lauT aa.e ho

maiñ us ko ḳhvāb meñ dekhūñ to hairānī se mar jā.ūñ

maiñ itnā saḳht-jāñ huuñ dam baḌī mushkil se niklegā

zarā taklīf baḌh jaa.e to āsānī se mar jā.ūñ

ġhanīmat hai parinde merī tanhā.ī samajhte haiñ

agar ye bhī na hoñ to ghar ke vīrāne se mar jā.ūñ

nazar-andāz kar mujh ko zarā sā khul ke jiine de

kahīñ aisā na ho terī nigahbānī se mar jā.ūñ

bahut se sher mujh se ḳhuun thukvāte haiñ aamad par

bahut mumkin hai maiñ ek din ġhazal-ḳhvānī se mar jā.ūñ

tirī nazroñ se gir kar aaj bhī zinda huuñ maiñ kyā ḳhuub

taqāzā hai ye ġhairat kā pashemānī se mar jā.ūñ

lab-e-sahil samundar ki farawani se mar jaun

mujhe wo pyas hai shayad ki main pani se mar jaun

tum us ko dekh kar chhu kar bhi zinda lauT aae ho

main us ko KHwab mein dekhun to hairani se mar jaun

main itna saKHt-jaan hun dam baDi mushkil se niklega

zara taklif baDh jae to aasani se mar jaun

ghanimat hai parinde meri tanhai samajhte hain

agar ye bhi na hon to ghar ke virane se mar jaun

nazar-andaz kar mujh ko zara sa khul ke jine de

kahin aisa na ho teri nigahbani se mar jaun

bahut se sher mujh se KHun thukwate hain aamad par

bahut mumkin hai main ek din ghazal-KHwani se mar jaun

teri nazron se gir kar aaj bhi zinda hun main kya KHub

taqaza hai ye ghairat ka pashemani se mar jaun