لب کھولنے سے پہلے ذرا یہ خیال ہو

لب کھولنے سے پہلے ذرا یہ خیال ہو

ایسا نہ کچھ کہو کہ تمہیں پھر ملال ہو

موقع ملا ہے اس کو گنواؤ نہ اس طرح

کچھ ایسا تم کرو کہ جو بس بے مثال ہو

پکڑو عزیز جاں سے بھی کردار کو سبھی

انگلی کوئی اٹھے نہ کوئی بھی سوال ہو

وقتی خوشی کو پانے کو ایسا نہ کچھ کرو

دلدل ہو جس میں پھنسنے کا پھر احتمال ہو

سرمایہ کا نظام ہے گر مفت کچھ ملے

یہ دیکھ لو کہ کوئی نہ دشمن کی چال ہو

دانائی پر تمہاری مجھے کوئی شک نہیں

یہ ہے کہ تم ابھی ذرا کچھ خورد سال ہو