lab par na shikwa-e-gham-e-ayyam aaega

lab par na shikva-e-ġham-e-ayyām aa.egā

jab aa.egā zabāñ pe tirā naam aa.egā

jin kā ḳhayāl unheñ sahar-o-shām aa.egā

maiñ jāntā huuñ un meñ merā naam aa.egā

us zulf-e-mushkbū kā jinheñ mas nasīb hai

dil ko unhīñ fazāoñ meñ ārām aa.egā

bādal bhī qurmuzī haiñ sharābeñ bhī qurmuzī

ab bhī agar na pī to phir ilzām aa.egā

ḳhurshīd ko tulūa meñ kyoñ der ho ga.ī

kyā āḳhir-e-shab aur bhī ik jaam aa.egā

mujh ko yaqīñ hai gardish-e-sāġhar ke bāvajūd

aksar ḳhayāl-e-gardish-e-ayyām aa.egā

'fitrat' ko hai siyāsat-e-pīr-e-muġhāñ se kaam

sarshār ho chukūñgā to phir jaam āye.gā

lab par na shikwa-e-gham-e-ayyam aaega

jab aaega zaban pe tera nam aaega

jin ka KHayal unhen sahar-o-sham aaega

main jaanta hun un mein mera nam aaega

us zulf-e-mushkbu ka jinhen mas nasib hai

dil ko unhin fazaon mein aaram aaega

baadal bhi qurmuzi hain sharaben bhi qurmuzi

ab bhi agar na pi to phir ilzam aaega

KHurshid ko tulua mein kyon der ho gai

kya aaKHir-e-shab aur bhi ek jam aaega

mujh ko yaqin hai gardish-e-saghar ke bawajud

aksar KHayal-e-gardish-e-ayyam aaega

'fitrat' ko hai siyasat-e-pir-e-mughan se kaam

sarshaar ho chukunga to phir jam aayega