lab pe harf-e-motabar rakhta hai wo

lab pe harf-e-mo'tabar rakhtā hai vo

baat karne kā hunar rakhtā hai vo

ek ālī-shān ghar rakhtā hai vo

phir bhī ḳhud ko dar-ba-dar rakhtā hai vo

ek apnī hī nahīñ haiñ uljhaneñ

kitne ġham-hā-e-digar rakhtā hai vo

uḌ rahā hai jo khule ākāsh meñ

aane vaale kal kā Dar rakhtā hai vo

sar se pā tak chīḳhtī sannāTagī

apne andar ik khañDar rakhtā hai vo

Thokaroñ meñ us kī hai sultāniyat

peT par patthar magar rakhtā hai vo

dil jalā ke jaane kī kī yaad meñ

shaam kī dahlīz par rakhtā hai vo

dil ke paañv Daal dī zanjīr-e-aql

nafs ko yuuñ maar kar rakhtā hai vo

rāt-bhar chehra ḳhudā kī yaad meñ

āñsuoñ se tar-ba-tar rakhtā hai vo

khoyā rahtā hai kitāboñ meñ magar

shahr-o-sahrā kī ḳhabar rakhtā hai vo

aadmī se ho ga.ī haiñ nafrateñ

ghar meñ jañglī jānvar rakhtā hai vo

jhiil laḌkī mor titlī gul havā

ḳhvāb kī dīvār par rakhtā hai vo

ek naqsh-e-pā zamīñ par hai 'munīr'

dūsrā aflāk par rakhtā hai vo

lab pe harf-e-mo'tabar rakhta hai wo

baat karne ka hunar rakhta hai wo

ek aali-shan ghar rakhta hai wo

phir bhi KHud ko dar-ba-dar rakhta hai wo

ek apni hi nahin hain uljhanen

kitne gham-ha-e-digar rakhta hai wo

uD raha hai jo khule aakash mein

aane wale kal ka Dar rakhta hai wo

sar se pa tak chiKHti sannaTagi

apne andar ek khanDar rakhta hai wo

Thokaron mein us ki hai sultaniyat

peT par patthar magar rakhta hai wo

dil jala ke jaane ki ki yaad mein

sham ki dahliz par rakhta hai wo

dil ke panw Dal di zanjir-e-aql

nafs ko yun mar kar rakhta hai wo

raat-bhar chehra KHuda ki yaad mein

aansuon se tar-ba-tar rakhta hai wo

khoya rahta hai kitabon mein magar

shahr-o-sahra ki KHabar rakhta hai wo

aadmi se ho gai hain nafraten

ghar mein jangli jaanwar rakhta hai wo

jhil laDki mor titli gul hawa

KHwab ki diwar par rakhta hai wo

ek naqsh-e-pa zamin par hai 'munir'

dusra aflak par rakhta hai wo