lab pe jab aap ka hi nam aae

lab pe jab aap kā hī naam aa.e

dil meñ phir kyoñ ḳhayāl-e-ḳhām aa.e

tum bhī kuchh der ke liye aanā

jab mirī zindagī kī shaam aa.e

aa.e vo aur mujhe ḳhabar na huī

'ishq meñ aise bhī maqām aa.e

koī mahfil meñ tishna-lab na rahe

kaash aisā bhī daur-e-jām aa.e

aa.e vo daur-e-ādmiyyat bhī

aadmī aadmī ke kaam aa.e

lab pe jab aap ka hi nam aae

dil mein phir kyon KHayal-e-KHam aae

tum bhi kuchh der ke liye aana

jab meri zindagi ki sham aae

aae wo aur mujhe KHabar na hui

'ishq mein aise bhi maqam aae

koi mahfil mein tishna-lab na rahe

kash aisa bhi daur-e-jam aae

aae wo daur-e-admiyyat bhi

aadmi aadmi ke kaam aae