lab pe jhuTe tarane hote hain

lab pe jhūTe tarāne hote haiñ

kyā kareñ ġham chhupāne hote haiñ

vo bhī kaise zamāne hote haiñ

jab qafas āshiyāne hote haiñ

yuuñ hī aatī nahīñ ḳhushī kī bahār

saikḌoñ ġham uThāne hote haiñ

zindagī kā kuchh e'tibār nahīñ

maut ke sau bahāne hote haiñ

is tarah baiThtā nahīñ chhup kar

jis ko jalve dikhāne hote haiñ

lab pe jhuTe tarane hote hain

kya karen gham chhupane hote hain

wo bhi kaise zamane hote hain

jab qafas aashiyane hote hain

yun hi aati nahin KHushi ki bahaar

saikDon gham uThane hote hain

zindagi ka kuchh e'tibar nahin

maut ke sau bahane hote hain

is tarah baiThta nahin chhup kar

jis ko jalwe dikhane hote hain