lab pe surKHi ki jagah jo muskurahaT mal rahe hain

lab pe surḳhī kī jagah jo muskurāhaT mal rahe haiñ

hasratoñ kā bojh shānoñ par uThā kar chal rahe haiñ

zindagī kī dauḌ meñ pīchhe na rah jaa.eñ kisī se

ḳhauf-o-ḳhvāhish ke ye paikar niind meñ bhī chal rahe haiñ

dil meñ ḳhema-zan añdhero kitnī jaldī meñ hai sūraj

jism tak jaage nahīñ haiñ aur saa.e Dhal rahe haiñ

mere qisse meñ achānak jugnuoñ kā zikr aayā

āsmāñ par mere hisse ke sitāre jal rahe haiñ

raakh hote jā rahe haiñ māh-o-sāl-e-zindagānī

jagmagā uThThā jahāñ ham saath pal do pal rahe haiñ

mā.il-e-sajda ġhulāmī bhuul jā ḳhū-e-salāmī

aaj vo bādal kahāñ sāya-fagan jo kal rahe haiñ

lab pe surKHi ki jagah jo muskurahaT mal rahe hain

hasraton ka bojh shanon par uTha kar chal rahe hain

zindagi ki dauD mein pichhe na rah jaen kisi se

KHauf-o-KHwahish ke ye paikar nind mein bhi chal rahe hain

dil mein KHema-zan andhero kitni jaldi mein hai suraj

jism tak jage nahin hain aur sae Dhal rahe hain

mere qisse mein achanak jugnuon ka zikr aaya

aasman par mere hisse ke sitare jal rahe hain

rakh hote ja rahe hain mah-o-sal-e-zindagani

jagmaga uThTha jahan hum sath pal do pal rahe hain

mail-e-sajda ghulami bhul ja KHu-e-salami

aaj wo baadal kahan saya-fagan jo kal rahe hain