lab pe takrim-e-tamanna-e-subuk-pai hai

lab pe takrīm-e-tamannā-e-subuk-pā.ī hai

pas-e-dīvār vahī silsila-paimā.ī hai

taḳhta-e-lāla kī har sham-e-farozāñ jaane

kis bhulāve meñ mujhe dekh ke lahrā.ī hai

ḳhāk-dar-ḳhāk chhupī hai mirī āñkhoñ kī chamak

jis ḳharābe meñ tirī anjuman-ārā.ī hai

apne hī paañv kī āvāz se Dar jaatā huuñ

maiñ huuñ aur rah-guzar-e-besha-e-tanhā.ī hai

phir sar-e-sub.h kisī dard ke dar vā karne

dhaan ke khet se ik mauj-e-havā aa.ī hai

lab pe takrim-e-tamanna-e-subuk-pai hai

pas-e-diwar wahi silsila-paimai hai

taKHta-e-lala ki har sham-e-farozan jaane

kis bhulawe mein mujhe dekh ke lahrai hai

KHak-dar-KHak chhupi hai meri aankhon ki chamak

jis KHarabe mein teri anjuman-arai hai

apne hi panw ki aawaz se Dar jata hun

main hun aur rah-guzar-e-besha-e-tanhai hai

phir sar-e-subh kisi dard ke dar wa karne

dhan ke khet se ek mauj-e-hawa aai hai