labon ki jumbish nawa-e-bulbul hai shoKH lahja tera qayamat

laboñ kī jumbish navā-e-bulbul hai shoḳh lahja tirā qayāmat

darāz qāmat ġhazāl āñkheñ gulāb chehra tirā qayāmat

ghaTā.eñ zulfeñ ḳhumār palkeñ mahīn āñchal pe māh-o-anjum

suhānī rātoñ kī chāñdnī meñ hai chhat pe jalva tirā qayāmat

zamīn-e-dil par adā-e-dilbar chalā.e nashtar uThā.e mahshar

nazar uThānā nazar jhukānā har ek harba tirā qayāmat

guloñ kī laalī shagufta aariz pe fasl-e-gul kī safīr Thahrī

nashīle lab kī halāvatoñ se dhaḌaktā naġhma tirā qayāmat

jo tū ne khole havā meñ gesū mahak uThā hai tamām gulshan

hasīn sumbul ke darmiyāñ hai damaktā chehra tirā qayāmat

tire shabistāñ ke goshe goshe meñ raushnī kā zuhūr har-pal

aqīdatoñ ke diye se raushan nafīs kamra tirā qayāmat

kañval badan par machaltī sāñseñ chhalakte sāġhar kī tarjumāñ hai

gudāz bāñheñ surāhī gardan sarāpā naqsha tirā qayāmat

vafā.eñ mujh se jafā.eñ mujh se adā.eñ har-pal yahī haiñ 'zākir'

kabhī hai ġhamza kabhī hai ishva ye naaz naḳhra tirā qayāmat

labon ki jumbish nawa-e-bulbul hai shoKH lahja tera qayamat

daraaz qamat ghazal aankhen gulab chehra tera qayamat

ghaTaen zulfen KHumar palken mahin aanchal pe mah-o-anjum

suhani raaton ki chandni mein hai chhat pe jalwa tera qayamat

zamin-e-dil par ada-e-dilbar chalae nashtar uThae mahshar

nazar uThana nazar jhukana har ek harba tera qayamat

gulon ki lali shagufta aariz pe fasl-e-gul ki safir Thahri

nashile lab ki halawaton se dhaDakta naghma tera qayamat

jo tu ne khole hawa mein gesu mahak uTha hai tamam gulshan

hasin sumbul ke darmiyan hai damakta chehra tera qayamat

tere shabistan ke goshe goshe mein raushni ka zuhur har-pal

aqidaton ke diye se raushan nafis kamra tera qayamat

kanwal badan par machalti sansen chhalakte saghar ki tarjuman hai

gudaz banhen surahi gardan sarapa naqsha tera qayamat

wafaen mujh se jafaen mujh se adaen har-pal yahi hain 'zakir'

kabhi hai ghamza kabhi hai ishwa ye naz naKHra tera qayamat