labon par pyas sab ke be-karan hai
laboñ par pyaas sab ke be-karāñ hai
har ik jānib magar andhā kuaañ hai
hai koī aks-e-rañgīñ aa.ine par
jabhī to aa.ine meñ kahkashāñ hai
kisī se koī bhī miltā nahīñ ab
har ik insāñ yahāñ to bad-gumāñ hai
firāq-o-vasl kā qissa nahīñ hai
adhūrī kis qadar ye dāstāñ hai
nahīñ kuchh bolte haiñ jabr sah kar
lage tarshī huī sab kī zabāñ hai
vatan meñ rah ke bhī hai be-vatan ye
bahut mazlūm ye urdu zabāñ hai
kisī kā dard bāñTe ġham meñ ro.e
'zafar' ehsās logoñ meñ kahāñ hai
labon par pyas sab ke be-karan hai
har ek jaanib magar andha kuan hai
hai koi aks-e-rangin aaine par
jabhi to aaine mein kahkashan hai
kisi se koi bhi milta nahin ab
har ek insan yahan to bad-guman hai
firaq-o-wasl ka qissa nahin hai
adhuri kis qadar ye dastan hai
nahin kuchh bolte hain jabr sah kar
lage tarshi hui sab ki zaban hai
watan mein rah ke bhi hai be-watan ye
bahut mazlum ye urdu zaban hai
kisi ka dard banTe gham mein roe
'zafar' ehsas logon mein kahan hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
