labon par sher aane mein kahan ab der lagti hai

laboñ par sher aane meñ kahāñ ab der lagtī hai

ġhazal koī sunāne meñ kahāñ ab der lagtī hai

faqat āñkheñ milāne meñ kahāñ ab der lagtī hai

mohabbat ko baḌhāne meñ kahāñ ab der lagtī hai

zabāñ se baat niklī ho vo puurī ho na ho sāhab

qasam yūñhī uThāne meñ kahāñ ab der lagtī hai

rivāyat ho ga.ī ab to mohabbat karne hone meñ

kisī kā dil dukhāne meñ kahāñ ab der lagtī hai

ye tanhā.ī udāsī ab mirā ma.amūl hai yaaro

do-chār aañsū bahāne meñ kahāñ ab der lagtī hai

nihāñ bāteñ hoñ jitnī bhī faqat pakkā irāda ho

haqīqat ko dikhāne meñ kahāñ ab der lagtī hai

zarā sī aag bhaḌkā kar jalā do ḳhud ko phir us meñ

sabhī sapne jalāne meñ kahāñ ab der lagtī hai

jahāñ jaanā ho nā-mumkin magar ab 'shoḳh' jī ham ko

vahāñ par āne-jāne meñ kahāñ ab der lagtī hai

labon par sher aane mein kahan ab der lagti hai

ghazal koi sunane mein kahan ab der lagti hai

faqat aankhen milane mein kahan ab der lagti hai

mohabbat ko baDhane mein kahan ab der lagti hai

zaban se baat nikli ho wo puri ho na ho sahab

qasam yunhi uThane mein kahan ab der lagti hai

riwayat ho gai ab to mohabbat karne hone mein

kisi ka dil dukhane mein kahan ab der lagti hai

ye tanhai udasi ab mera mamul hai yaro

do-chaar aansu bahane mein kahan ab der lagti hai

nihan baaten hon jitni bhi faqat pakka irada ho

haqiqat ko dikhane mein kahan ab der lagti hai

zara si aag bhaDka kar jala do KHud ko phir us mein

sabhi sapne jalane mein kahan ab der lagti hai

jahan jaana ho na-mumkin magar ab 'shoKH' ji hum ko

wahan par aane-jaane mein kahan ab der lagti hai