labon pe muskan dil mein dahshat ajib KHilqat meri ghazala

laboñ pe muskān dil meñ dahshat ajiib ḳhilqat mirī ġhazāla

ḳhatā pe apne nahīñ kare hai kabhī nadāmat mirī ġhazāla

so jaisā chāhā banāyā rab ne badan kā ḳhāka ye us kī marzī

har ek Dhab meñ haiñ apne apne kasāo kasrat mirī ġhazāla

qarār de de mujhe tū kāfir na chhūT pā.egī ye ibādat

rahegī qadmoñ meñ sirf tere ye merī jannat mirī ġhazāla

nahīñ hai mumkin ki kaT sake ye ḳhudā kā likkhā ye sochtā huuñ

vo mil kahe mujh se kuchh to merī badal de qismat mirī ġhazāla

anā se māñgūñ jahāñ se māñgūñ maiñ tujh ko kis kis ḳhudā se māñgūñ

banī hai mere hī jān-o-jī kī tū saḳht aafat mirī ġhazāla

maiñ chāhtā huuñ banā le 'sāhil' mujhe tū apnī hī zindagī kā

nahīñ hai mujh ko zamāne-bhar se koī bhī hājat mirī ġhazāla

labon pe muskan dil mein dahshat ajib KHilqat meri ghazala

KHata pe apne nahin kare hai kabhi nadamat meri ghazala

so jaisa chaha banaya rab ne badan ka KHaka ye us ki marzi

har ek Dhab mein hain apne apne kasao kasrat meri ghazala

qarar de de mujhe tu kafir na chhuT paegi ye ibaadat

rahegi qadmon mein sirf tere ye meri jannat meri ghazala

nahin hai mumkin ki kaT sake ye KHuda ka likkha ye sochta hun

wo mil kahe mujh se kuchh to meri badal de qismat meri ghazala

ana se mangun jahan se mangun main tujh ko kis kis KHuda se mangun

bani hai mere hi jaan-o-ji ki tu saKHt aafat meri ghazala

main chahta hun bana le 'sahil' mujhe tu apni hi zindagi ka

nahin hai mujh ko zamane-bhar se koi bhi hajat meri ghazala