laDakpan mein ye zid hai jaani tumhaari
laḌakpan meñ ye zid hai jaanī tumhārī
abhī dekhnī hai javānī tumhārī
kahā maiñ ne Thahro to bole ye hañs kar
kabhī phir suneñge kahānī tumhārī
nisār un ke jaa.eñ jo sach jaane us ko
fasāna hamārā zabānī tumhārī
baḌī ḳhidmateñ kiiñ ab āzād kar do
bahut dekh lī mehrbānī tumhārī
chhupā.ūñ na kis tarah se jaañ badan meñ
mirī jaan ye hai nishānī tumhārī
bahut saaf haiñ gāliyāñ vāh-vā hai
sunī bārhā ḳhush-bayānī tumhārī
muqarrar balā aane vaalī hai koī
nahīñ be-sabab mehrbānī tumhārī
'nasīm' ab to ghabrā gayā dil hamārā
sune kaun pahroñ kahānī tumhārī
laDakpan mein ye zid hai jaani tumhaari
abhi dekhni hai jawani tumhaari
kaha main ne Thahro to bole ye hans kar
kabhi phir sunenge kahani tumhaari
nisar un ke jaen jo sach jaane us ko
fasana hamara zabani tumhaari
baDi KHidmaten kin ab aazad kar do
bahut dekh li mehrbani tumhaari
chhupaun na kis tarah se jaan badan mein
meri jaan ye hai nishani tumhaari
bahut saf hain galiyan wah-wa hai
suni barha KHush-bayani tumhaari
muqarrar bala aane wali hai koi
nahin be-sabab mehrbani tumhaari
'nasim' ab to ghabra gaya dil hamara
sune kaun pahron kahani tumhaari
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
