lafz ka dariya utra dasht-e-maani phaila

lafz kā dariyā utrā dasht-e-ma.ānī phailā

misra-e-ūlā hī meñ misra-e-sānī phailā

kahīñ chhupā hotā hai davām kisī lamhe meñ

yuuñ to hai sadiyoñ pe jahān-e-fānī phailā

dānā.ī kī duniyā tañg hai pechīda hai

yā-rab kuchh āsānī kar nādānī phailā

dāman-e-tar hī meñ to hai ashkoñ kī namī bhī

rahne de dhartī par yūñhī paanī phailā

manfa.ateñ hī darj haiñ sab kī fard-e-amal meñ

varaq kushāda kar thoḌī nuqsānī phailā

kirdāroñ kī pahchāneñ gum hone lagī haiñ

mere lekhak itnā bhī na kahānī phailā

lafz ka dariya utra dasht-e-maani phaila

misra-e-ula hi mein misra-e-sani phaila

kahin chhupa hota hai dawam kisi lamhe mein

yun to hai sadiyon pe jahan-e-fani phaila

danai ki duniya tang hai pechida hai

ya-rab kuchh aasani kar nadani phaila

daman-e-tar hi mein to hai ashkon ki nami bhi

rahne de dharti par yunhi pani phaila

manfaten hi darj hain sab ki fard-e-amal mein

waraq kushada kar thoDi nuqsani phaila

kirdaron ki pahchanen gum hone lagi hain

mere lekhak itna bhi na kahani phaila