lafz ka kitna taqaddus hai ye kab jaante hain
lafz kā kitnā taqaddus hai ye kab jānte haiñ
log bas baat banā lene kā Dhab jānte haiñ
apnī pahchān bhalā Dolte lafzoñ meñ kahāñ
zabt kā nashsha larazte hue lab jānte haiñ
sab ne gul-kārī-e-dīvār-e-sarā hī lekin
kitne dīvār uThāne kā sabab jānte haiñ
shahr vaale to havāoñ meñ ghule zahr kā haal
rañg tasvīr se uḌ jaate haiñ tab jānte haiñ
aap chāheñ to use josh-e-numū kah liije
ham magar barf sulagne kā sabab jānte haiñ
dhuup kā aks bhī 'sajjād' faqat saaya hai
kis tarah din meñ samā jaatī hai shab jānte haiñ
lafz ka kitna taqaddus hai ye kab jaante hain
log bas baat bana lene ka Dhab jaante hain
apni pahchan bhala Dolte lafzon mein kahan
zabt ka nashsha larazte hue lab jaante hain
sab ne gul-kari-e-diwar-e-sara hi lekin
kitne diwar uThane ka sabab jaante hain
shahr wale to hawaon mein ghule zahr ka haal
rang taswir se uD jate hain tab jaante hain
aap chahen to use josh-e-numu kah lije
hum magar barf sulagne ka sabab jaante hain
dhup ka aks bhi 'sajjad' faqat saya hai
kis tarah din mein sama jati hai shab jaante hain
- Book : Dariche (Pg. 50)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
