lafz yuuñ ḳhāmushī se laḌte haiñ
jis tarah ġham hañsī se laḌte haiñ
jānvar jānvar se laḌtā hai
aadmī aadmī se laḌte haiñ
maut kī aarzū meñ dīvāne
umr-bhar zindagī se laḌte haiñ
jis se hai dostī kā hukm hameñ
ham bhī pāgal usī se laḌte haiñ
dūsroñ se kabhī nahīñ laḌte
log jo bhī ḳhudī se laḌte haiñ
ye añdheroñ ke hukmarāñ saare
aaj bhī raushnī se laḌte haiñ
jo anā ke marīz hote haiñ
har na.e din kisī se laḌte haiñ
aur bhī log jab haiñ bastī meñ
aap kyuuñ kar hamī se laḌte haiñ
un ko mazdūr kahnā Thiik nahīñ
log jo muflisī se laḌte haiñ
'abr' be-kār log pūchhte haiñ
aap bhī kyā kisī se laḌte haiñ
lafz yun KHamushi se laDte hain
jis tarah gham hansi se laDte hain
jaanwar jaanwar se laDta hai
aadmi aadmi se laDte hain
maut ki aarzu mein diwane
umr-bhar zindagi se laDte hain
jis se hai dosti ka hukm hamein
hum bhi pagal usi se laDte hain
dusron se kabhi nahin laDte
log jo bhi KHudi se laDte hain
ye andheron ke hukmaran sare
aaj bhi raushni se laDte hain
jo ana ke mariz hote hain
har nae din kisi se laDte hain
aur bhi log jab hain basti mein
aap kyun kar hami se laDte hain
un ko mazdur kahna Thik nahin
log jo muflisi se laDte hain
'abr' be-kar log puchhte hain
aap bhi kya kisi se laDte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
