lafzon ka nairang hai mere fan ke jadu se
lafzoñ kā nairañg hai mere fan ke jaadū se
ik ik rañg alag kar saktā huuñ maiñ ḳhushbū se
donoñ pareshāñ donoñ bojhal donoñ hī ghanghor
gahrā rishta hai bādal kā tere gesū se
merī peshānī par jhalkī mere lahū kī aag
rāt-Dhale kuchh chāñd sā ugnā us ke pahlū se
achchhī sūrat koī achānak sāmne jab aa jaa.e
apnī hī uñglī kaT jaatī hai apne chāqū se
haath ko haath ghanī zulmat meñ jab na samjhā.ī diyā
samt milī hai ik āvāra tanhā jugnū se
raat ga.e jab so jaatā hai paanī gahrī niiñd
naġhmoñ kī lahreñ uThtī haiñ chalte chappū se
'ramz' uThe haiñ ham bhī sambhāle apnā tiir kamān
ham ko bhī vahshat karnī hai aaj ik aahū se
lafzon ka nairang hai mere fan ke jadu se
ek ek rang alag kar sakta hun main KHushbu se
donon pareshan donon bojhal donon hi ghanghor
gahra rishta hai baadal ka tere gesu se
meri peshani par jhalki mere lahu ki aag
raat-Dhale kuchh chand sa ugna us ke pahlu se
achchhi surat koi achanak samne jab aa jae
apni hi ungli kaT jati hai apne chaqu se
hath ko hath ghani zulmat mein jab na samjhai diya
samt mili hai ek aawara tanha jugnu se
raat gae jab so jata hai pani gahri nind
naghmon ki lahren uThti hain chalte chappu se
'ramz' uThe hain hum bhi sambhaale apna tir kaman
hum ko bhi wahshat karni hai aaj ek aahu se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
