lafzon ke baratne mein bahut sirf hua main

lafzoñ ke baratne meñ bahut sirf huā maiñ

ik misr taaza bhī magar kah na sakā maiñ

ik dast-e-rifāqat kī talab le ke baḌhā meñ

amboh trahdār meñ ik shor uThā maiñ

aa tujh ko taqābul meñ ulajhne se bachā luuñ

sab kuchh hai tirī zaat meñ baaqī jo bachā maiñ

maiñ aur kahāñ ḳhud-nagrī yaad hai tujh ko

jab tū ne mirā naam liyā maiñ ne kahā meñ

maiñ ek bagūla sā uThā dasht-e-junūñ se

rokā mujhe duniyā ne bahut par na rukā maiñ

yā mujh se guzārī na ga.ī umr-e-gurezāñ

yā umr-e-gurezāñ se guzārā na gayā meñ

mālūm huā mujh meñ koī ramz nahīñ hai

ik umr-e-riyāzat se guzarne pe khulā maiñ

jo raat basar kī thī mire hijr meñ tū ne

us raat bahut der tire saath rahā maiñ

lafzon ke baratne mein bahut sirf hua main

ek misr taza bhi magar kah na saka main

ek dast-e-rifaqat ki talab le ke baDha mein

amboh trahdar mein ek shor uTha main

aa tujh ko taqabul mein ulajhne se bacha lun

sab kuchh hai teri zat mein baqi jo bacha main

main aur kahan KHud-nagri yaad hai tujh ko

jab tu ne mera nam liya main ne kaha mein

main ek bagula sa uTha dasht-e-junun se

roka mujhe duniya ne bahut par na ruka main

ya mujh se guzari na gai umr-e-gurezan

ya umr-e-gurezan se guzara na gaya mein

malum hua mujh mein koi ramz nahin hai

ek umr-e-riyazat se guzarne pe khula main

jo raat basar ki thi mere hijr mein tu ne

us raat bahut der tere sath raha main