lag gai kis ki bad-dua tumko

lag ga.ī kis kī bad-du'ā tum ko

jurm ham ne kiyā sazā tum ko

ḳhairiyat jānñe kā hāsil kyā

kyā rahā ham se vāsta tum ko

ham ġharīboñ ke kaam aate raho

degā is kā sila ḳhudā tum ko

hādso aao thoḌā dam le lo

kaise merā pata milā tum ko

ham muqābil nahīñ the ab ke baar

chun liyā sab ne rahnumā tum ko

tum kahāñ ho husain ibn-e-'alī

phir pukāre hai karbalā tum ko

sun lo donoñ taraf kī ai 'kausar'

jab bhī karnā ho faisla tum ko

lag gai kis ki bad-du'a tum ko

jurm hum ne kiya saza tum ko

KHairiyat jaanne ka hasil kya

kya raha hum se wasta tum ko

hum gharibon ke kaam aate raho

dega is ka sila KHuda tum ko

hadso aao thoDa dam le lo

kaise mera pata mila tum ko

hum muqabil nahin the ab ke bar

chun liya sab ne rahnuma tum ko

tum kahan ho husain ibn-e-'ali

phir pukare hai karbala tum ko

sun lo donon taraf ki ai 'kausar'

jab bhi karna ho faisla tum ko