laga hai aaina nazar churane hum ko dekh kar

lagā hai ā.īna nazar churāne ham ko dekh kar

nazar use bhī kuchh lagā hai aane ham ko dekh kar

vo kyā thī baat jo habīb kar rahā habīb se

lagā jo baat aur vo banāne ham ko dekh kar

vo shams jo nikaltā sahn se thā le hamārī taab

lagā hai meñDh kā diyā bujhāne ham ko dekh kar

hamārī paane ko jhalak guzārī puurī shab idhar

lagā galī kā moḌ vo bhulāne ham ko dekh kar

thā thāmā ham ne har qadam pe nanhe se jo qadmoñ ko

chhuḌā ke haath ab lagā hai jaane ham ko dekh kar

hamāre bin the mai-kade vo be-surūr be-ḳhumār

ki dekho phir nasha lagā hai chhāne ham ko dekh kar

laga hai aaina nazar churane hum ko dekh kar

nazar use bhi kuchh laga hai aane hum ko dekh kar

wo kya thi baat jo habib kar raha habib se

laga jo baat aur wo banane hum ko dekh kar

wo shams jo nikalta sahn se tha le hamari tab

laga hai meinDh ka diya bujhane hum ko dekh kar

hamari pane ko jhalak guzari puri shab idhar

laga gali ka moD wo bhulane hum ko dekh kar

tha thama hum ne har qadam pe nanhe se jo qadmon ko

chhuDa ke hath ab laga hai jaane hum ko dekh kar

hamare bin the mai-kade wo be-surur be-KHumar

ki dekho phir nasha laga hai chhane hum ko dekh kar