lagaun hath tujhe ye KHayal-e-KHam hai kya
lagā.ūñ haath tujhe ye ḳhayāl-e-ḳhām hai kyā
tirā badan koī shamshīr-e-be-niyām hai kyā
mirī jagah koī ā.īna rakh liyā hotā
na jaane tere tamāshe meñ merā kaam hai kyā
asīr-e-ḳhāk mujhe kar ke tū nihāl sahī
nigāh Daal ke to dekh zer-e-dām hai kyā
ye Dūbtī huī kyā shai hai terī āñkhoñ meñ
tire laboñ pe jo raushan hai us kā naam hai kyā
lagaun hath tujhe ye KHayal-e-KHam hai kya
tera badan koi shamshir-e-be-niyam hai kya
meri jagah koi aaina rakh liya hota
na jaane tere tamashe mein mera kaam hai kya
asir-e-KHak mujhe kar ke tu nihaal sahi
nigah Dal ke to dekh zer-e-dam hai kya
ye Dubti hui kya shai hai teri aankhon mein
tere labon pe jo raushan hai us ka nam hai kya
- Book : zard zarkhez (Pg. 63)
- Author : zeb gauri
- Publication : national art printers allahabad (1976)
- Edition : 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
