لگوں گا خوش مگر ناراض ہوں میں
لگوں گا خوش مگر ناراض ہوں میں
زمانہ کا نیا انداز ہوں میں
بہت خوش ہوں تمہیں خوش دیکھ کر میں
یہ غم بھی ہے نظر انداز ہوں میں
جسے مجھ پر یقیں بالکل نہیں ہے
اک ایسے شخص کا ہم راز ہوں میں
اسے انجام کی جلدی بہت تھی
میں کہتا رہ گیا آغاز ہوں میں
فقط سننا نہیں محسوس کرنا
خموشی میں چھپی آواز ہوں میں
نئی دھن پر بجایا جا رہا ہوں
پرانے دور کا اک ساز ہوں میں
مجھے دشمن سمجھنا ہے سمجھ لو
تمہارا دوست ہوں دم ساز ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
