lahu-luhan tha manzar hawa shikasta thi

lahū-luhān thā manzar havā shikasta thī

hamāre chāroñ taraf ik ajiib duniyā thī

mirī nigāh utartī chalī ga.ī andar

har ek shakl mire sāmne barahna thī

kisī sadī kā bhī tūfān Dhā sakā na use

ye aur baat ki dīvār-e-vaqt ḳhasta thī

guzar chukī hai jo ab us kī justujū na karo

vo zindagī to kisī ḳhvāb kā karishma thī

hazāroñ aks pas-e-aks jagmagāte the

har ek shakl magar aa.ine meñ tanhā thī

maiñ apne aap meñ gum ho ke rah gayā 'rizvī'

fasīl-e-jism kī hālat bahut hī ḳhasta thī

lahu-luhan tha manzar hawa shikasta thi

hamare chaaron taraf ek ajib duniya thi

meri nigah utarti chali gai andar

har ek shakl mere samne barahna thi

kisi sadi ka bhi tufan Dha saka na use

ye aur baat ki diwar-e-waqt KHasta thi

guzar chuki hai jo ab us ki justuju na karo

wo zindagi to kisi KHwab ka karishma thi

hazaron aks pas-e-aks jagmagate the

har ek shakl magar aaine mein tanha thi

main apne aap mein gum ho ke rah gaya 'rizwi'

fasil-e-jism ki haalat bahut hi KHasta thi