lahu mein Dub ke nikli hikayaten chup hain

lahū meñ Duub ke niklī hikāyateñ chup haiñ

mo.āmla hai hamārā adālateñ chup haiñ

yahī hai vaqt kā dastūr āj-kal shāyad

tamām shahr jalā aur shahādateñ chup haiñ

ye kis kā ġhamza-e-ḳhūñ-rez hai ki mahfil meñ

kisī meñ dam nahīñ sab kī jasārateñ chup haiñ

na hogā kuchh bhī to hāsil sivā shamātat ke

ye soch soch ke apnī jarāhateñ chup haiñ

na chārāgar hai koī ab na ġham-gusār koī

tamām sidq-o-safā kī rivāyateñ chup haiñ

ye bastiyāñ nahīñ ab muḳhbiroñ ke markaz haiñ

to kyā ajab hai azīzo rifāqateñ chup haiñ

kalā.iyoñ ko maroḌegā kaun zālim kī

ki inqalāb hai ḳhufta baġhāvateñ chup haiñ

huā ye kyā mire yārān-e-tez-gām ke saath

itaab mohr-ba-lab hai sharārteñ chup haiñ

mire sivā nahīñ mauzū-e-guftugū ab bhī

ye aur baat ki ab vo ināyateñ chup haiñ

ye kis gumān meñ baiThe ho tum miyāñ 'az.har'

ye daur vo hai ki jis meñ karāmateñ chup haiñ

lahu mein Dub ke nikli hikayaten chup hain

moamla hai hamara adalaten chup hain

yahi hai waqt ka dastur aaj-kal shayad

tamam shahr jala aur shahadaten chup hain

ye kis ka ghamza-e-KHun-rez hai ki mahfil mein

kisi mein dam nahin sab ki jasaraten chup hain

na hoga kuchh bhi to hasil siwa shamatat ke

ye soch soch ke apni jarahaten chup hain

na chaaragar hai koi ab na gham-gusar koi

tamam sidq-o-safa ki riwayaten chup hain

ye bastiyan nahin ab muKHbiron ke markaz hain

to kya ajab hai azizo rifaqaten chup hain

kalaiyon ko maroDega kaun zalim ki

ki inqalab hai KHufta baghawaten chup hain

hua ye kya mere yaran-e-tez-gam ke sath

itab mohr-ba-lab hai shararten chup hain

mere siwa nahin mauzu-e-guftugu ab bhi

ye aur baat ki ab wo inayaten chup hain

ye kis guman mein baiThe ho tum miyan 'azhar'

ye daur wo hai ki jis mein karamaten chup hain