lahu mein Dubi hui sham meri zat-numa
lahū meñ Duubī huī shaam merī zāt-numā
ġhamoñ kā sail-e-ravāñ phir huā sabāt-numā
chalo usī ko gale se lagā.eñ pyaar kareñ
vo ek marg-e-musalsal ki hai hayāt-numā
ajiib raah pe laa.e ga.e haiñ log jahāñ
hujūm-e-kaif bhī lagtā hai hādsāt-numā
koī maqām nahīñ ab qarār-e-jāñ kā maqām
koī bhī lamha nahīñ lamha-e-najāt-numā
'sho.aib' ham ko bhī mil jaa.e vo panāh jahāñ
ġhamoñ kī dhuup bhī ho sāya-e-nashāt-numā
lahu mein Dubi hui sham meri zat-numa
ghamon ka sail-e-rawan phir hua sabaat-numa
chalo usi ko gale se lagaen pyar karen
wo ek marg-e-musalsal ki hai hayat-numa
ajib rah pe lae gae hain log jahan
hujum-e-kaif bhi lagta hai hadsat-numa
koi maqam nahin ab qarar-e-jaan ka maqam
koi bhi lamha nahin lamha-e-najat-numa
'shoaib' hum ko bhi mil jae wo panah jahan
ghamon ki dhup bhi ho saya-e-nashat-numa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.